شاي فتله

 

مهندس عاصم شاكر 

عاوزك كل مرة تشرب شاي فتلة تفتكر المعلومة دي وتحكيها للي قاعدين معاك:

سنة ١٩٠٨ واحد من اكبر تجار الشاي في مدينة نيويورك الأمريكية اسمه " توماس سيليفان” كان عاوز يبعث عينات للموريدن من الشاي علشان يجربوها قبل ما يشحنها ليهم..

فحط عينات الشاي في اكياس حريرية صغيرة من باب التجديد على اساس انهم هياخدوا العينات من داخل الكيس ويجربوها، لكن اللي حصل هو انهم مفهموش وافتكروا ان اكياس الحرير دي بتعمل عمل مصفاة الشاي فراحوت حاطينها زي ماهي وصبوا عليها الماء الساخن والعجيب ان الطعم والنكهة كانت افضل..

وارسلوا ليه بعدها ان فكرة اكياس الحرير دي كانت رائعة وان نكهة الشاي كانت اوضح واقوى، وهنا جاءت للعم " توماس" الفكرة وبدأ اختراعه اللي هيبقى في العالم كله، وهو انه بدأ تصنيع الشاي وبيعه داخل اكياس الحرير واللي احنا عارفينه دلوقت بالشاي الفتلة..

هامش عالسريع:

-في البداية كان الشاي بيوضع في اكياس حرير بس ده كان مُكلف وزوّد سعر الشاي، ومكنش بيشتريه غير نخبة المجتمع، وبعدين تطور لانهم يستبدلوه بالشاش، ومع مرور الوقت اصبح كيس الشاي ورقي وهو المستخدم لحد الآن..

-الشاي اصلًا تم اكتشافه عن طريق الصدفة في الصين سنة 2737 ق.م واللي حصل ان احد المزارعين كان بيغلي مياه وسقطت فيها ورقة شاي، ولما ذاق الخليط عجب المزارع وانتشر بعدها في الصين كلها ومنه لبقية العالم..