كتب الاثري شريف محمود
وصولك لحقول النعيم "سخت إيارو" مش معناه إن رحلتك إنتهت و إنك هتلاقي اوزير امامك وإنك وصلت لمثواك الاخير لا طبعآ بعد وصولك لحقول النعيم لازم تمر من خلال ١٥ بوابة البوابات دي هي مداخل بيت اوزير الموجود في حقول الإيارو كل بوابة بيحرسها معبود بيحمل سكين وبيكون ليه وجه مميز بتغلب عليهم صفة الرعب بيعاونه معبودة اخرى لحماية كل بوابة عرفنا دا طبعآ من خلال الفصل رقم ١٤٦ من كتاب الموتى اللي عنوانه "حاتي - عا إم سبخوت نت بر اوزير إم سخت إيارو" يعني [بداية كتاب البوابات الخاصة ببيت اوزير الموجود في حقول النعيم] والفصل دا كان بيتم تصوير اجزاء منه على جدران مقابر الافراد مش بس البرديات زي هنا دا حارس البوابة الخامسة تم تصويره بشكل طفل حليق الراس بيحمل سكين في كلتا يديه من اجل حماية بوابته إسمه "حنت رقو" يعني "ذو الإنحناء الضيق" وإذا لم يستطع المتوفى تكرار التعويذة المخصصة لهذا المكان فلن يتمكن من عبور البوابة والوصول للبوابة القادمة.
ليست هناك تعليقات:
إرسال تعليق