مهندس عاصم شاكر
- اشتري شيكاره ملح خشن وكل اسبوع ارمي منها مقدار كبايه شاي ملح في كل بلاعه وحوض وقاعده حمام ، وهتلاحظي الفرق في البيت والله .
- هاتي علبه فاضيه وحطي فيها شويه ملح ونصف ليمونه وشويه خل عليهم وماتكتريش الخل عشان الريحه ، وحطيها تحت السراير تحت كل سرير علبه وهتلاحظي الفرق والله في البيت والنوم .
- حركي العفش ونظفي تحته وارمي ملح تحته وسبيه
ونظفي فوقه التراب والكراكيب ،
وارمي الدباديب والأشكال الحيوانات أو الطيور في البيت ، وهتلاحظي الفرق .
- اقفل باب الحمام طول الوقت وبليل ولعي النور فيه لمده اسبوع وبعدها اقفل بابه بس وماتولعش نور ، وامسحه بماء وملح وشبه ، وهتلاحظ الفرق والله .
- رش المراتب بماء مرقي عطري فرش سريرك بمسك بدره أو ماء مجرد ريحه بس ، شيل الكراكيب اللي تحت السرير ونظفي تحته ، هتحسي بفرق كبير
- شيل الصور من البيت احفظيها في درج أو دولاب ،
-اقف في اتجاه القبله في كل مكان في البيت ماعدا الحمام وادعي هتحس الفرق والله .
- ارمي الكراكيب اللي مش عايزاها ، وارمي الهدوم القديمه والاكياس والكراتين اللي ماليه البيت ، الكركبه بتجلب الجن للبيت ، رتبي بيتك واستغني عن اللي مالوش لازمه ، وشوفي الفرق .
- لما تمسح بيتك حط شويه ملح وخل في الجرد وياسلام لو تشتري ماء زهر وشبه كمان ودول يبقوا معاك كل مره بتمسح ، هتحس بفرق كبير اووي .
- شغل سوره البقره في البيت وعلي الصوت وافتحي الابواب والشبابيك يومين علي الاقل في الاسبوع ، وبعدها قفل البيت وشغل سوره ال عمران بصوت مسموع هادي .
---- رتب حياتك لنفسك محدش فاضيلك يرتبهالك ، اطرد الطاقه السلبيه من البيت ، عشان تحس أنه بيت وتحب وجودك فيه ، غير تتغير .
ليست هناك تعليقات:
إرسال تعليق