الشاعر أحمد نصار: مش بحلم

كلمات الشاعر: أحمد نصار
.......جاري وصديقي......

------------------------------
................................
................................
مـــــــــــش بحــــــــــــــلم
................................
أنام انا ولا مانامش
المهم اني ما بحلمش
ولا حتى اقفل رمش
على حلم ولو ماتحققش
المهم اني ما بحلمش
............................
مش بحلم حتى ببكره
أو ان احنا نبطل نكره
والأحزان تتحول ذكرى
والبقع السودا ماتبانش
المهم اني ما بحلمش
............................
مش بحلم حتى براحة البال
أو هم تقيل ... يتشال
وكلامي صبح موال
اتلحن أو ما تلحنش
المهم اني ما بحلمش
.............................
مش بحلم حتى ببلدنا الحرة
من بعد سنين طويلة ومرّة
ومصر الأم جابولها الضّرة
بايخه ورخمه وما بتفهمش
المهم اني ما بحلمش
..............................
مش بحلم حتى بوظيفه
أو اسكن حتي في حتة نضيفه
ونعيش عيشة جميلة ظريفه
وفلوس كتيرة ما بتخلصش
المهم اني ما بحلمش
...............................
أنا بضحك عليكم على فكره
دا الحلم إنساني وبالفطره
خلقه فينا رب القدره
عشان دماغنا ما تضربش
وانام أنا ولا ما نامش
هحلم أنا واحلم من تاني
ولو خلصت م الدنيا الأماني
هحلم بالجنة وما طلعش
هحلم بالجنة وما طلعش